İranın keçmiş ali rəhbəri Ayətullah Əli Xameneinin üç oğlu - Mustafa, Meysəm və Məsud Tehran şəhərində sabiq liderin cənazəsi qarşısında ataları ilə vidalaşıblar.

Bu barədə "Reuters" agentliyi xəbər verir.

Bununla belə, hazırkı Ali Lider, oğlu Müctəba Xamenei matəm mərasimində görünməyib.

Mərasim Tehranın şərqində yerləşən Müsəlla dini kompleksinin ərazisində baş tutub. Orada Əli Xameneinin və ailəsinin digər dörd üzvünün - qızı, kürəkəni, gəlini və 14 aylıq nəvəsinin cənazələri yerləşdirilib.