Almaniya kansleri Fridrix Merz Rusiyanın Ukraynaya qarşı müharibədə qələbə qazanmaq imkanının olmadığını bildirib və müttəfiqləri Ukraynaya dəstəyi davam etdirməyə çağırıb.

Merz bu bəyanatı Ankarada keçirilən NATO sammitinin ikinci günü başlamazdan əvvəl verib.

"Rusiyanın bu müharibədə qalib gəlmək üçün heç bir şansı yoxdur. Onlar hərbi məqsədlərinə nail olmayacaqlar. Bu müharibə nə qədər tez başa çatsa, Avropa, Rusiya və bütün dünya üçün bir o qədər yaxşı olacaq", – Almaniya kansleri bildirib.

Merz əlavə edib ki, müttəfiqlər Rusiyaya qarşı müharibədə Ukraynaya dəstəyi davam etdirəcəklər.