HƏMAS İsrail Müdafiə Qüvvələrinin (İMQ) Qəzza zolağında son hücumundan sonra "döyülmüş və əzilmiş partizan təşkilatı"dır.

“Reuters” xəbər verir ki, bunu İMQ sözçüsü general-mayor Effi Defrin mətbuat konfransında bildirib.

"Biz terror istinadgahı olan Qəzza şəhərində HƏMAS-a, yer üstündə və yer altında terror infrastrukturuna zərbələri dərinləşdirəcək və əhalinin HƏMAS-la əlaqəsini kəsəcəyik", - deyə o bildirib.

Defrin bildirib ki, İMQ artıq şəhərin ələ keçirilməsi planlaşdırılan hücumdan əvvəl Qəzzada ilkin əməliyyatlara başlayıb.

"İMQ qüvvələri artıq Qəzza şəhərinin ətraflarını nəzarətə götürür", - deyə o bildirib.

Onun sözlərinə görə, ordunun əsas prioriteti Qəzzadan mülki şəxslərin təxliyəsi, həmçinin onlara humanitar və tibbi yardımın göstərilməsidir.

General vurğulayıb ki, bu həftə HƏMAS-ın 15-dən çox döyüşçüsü Xan-Yunis postuna hücum etməyə cəhd edib.

Hücum nəticəsində üç əsgər yaralanıb, onlardan biri ağır vəziyyətdədir.