İranın Səudiyyə Ərəbistanının Şahzadə Sultan aviabazasına hücumunda 12 ABŞ əsgəri yaralanıb.

BBC-nin xəbərinə görə, xəsarət alanlardan ikisinin vəziyyəti çox ağırdır.

Bazaya həm raket, həm də dronlarla hücum edilib.

Bazada olan iki ədəd KC-135 yanacaqdoldurma təyyarəsinə də ciddi ziyan dəydiyi bildirilib.

Pentaqon və ABŞ Mərkəzi Komandanlığı bu xəbərə hələlik şərh verməyib.

"Xatəm əl-Ənbiya" hərbi komandanlığının mərkəzi qərargahının rəsmi nümayəndəsi İbrahim Zülfüqari isə İran televiziyasına açıqlamasında əməliyyat zamanı bir yanacaqdoldurma təyyarəsinin tamamilə məhv edildiyini, daha üç digər təyyarənin zədələndiyini və sıradan çıxdığını iddia edib.