Almaniyanın Leypziq şəhərinin mərkəzi hissəsində avtomobil piyadalara çırpılıb.

Hadisə barədə "Radio Leipzig" radiostansiyası məlumat verib.

İnsident nəticəsində azı səkkiz nəfər xəsarət alıb. Bəzi məlumatlara görə, azı iki nəfər həyatını itirib. Əlavə olaraq, iki şəxsin ağır, daha bir neçə nəfərin isə yüngül yaralandığı bildirilir.

"Leipziger Volkszeitung" nəşri şəhərin ober-burqomistri (meri) Burxard Yunqa istinadən xəbər verir ki, polis avtomobili insanların üzərinə sürən şəxsi artıq saxlayıb. Şəhər meri iki nəfərin həlak olduğunu təsdiqləyib. O əlavə edib ki, hazırda şəhər sakinləri üçün hər hansı təhlükə yoxdur.