İrəvanda bir çəllək var. Adına “sülh çəlləyi” deyirlər. 2010-cu ildə ABŞ-ın Corc Vaşinqton Universitetinin Milli Təhlükəsizlik Arxivinin təşəbbüsü ilə Qafqazda İnformasiya Azadlığı Şəbəkəsinin Ermənistanda keçirilən toplantısında iştirak edərkən tədbirdən sonra bizi İrəvan konyakı istehsal edən zavoda apardılar. Orada hamının marağına səbəb olan Sülh çəlləyi ötən əsrdən doldurulub saxlanılır. Dedilər ki, Azərbaycanla Ermənistan arasında münaqişə bitəndə, sülh müqaviləsi bağlananda bu çəllək də a...