Almaniya Litvada “Ozelot” özüyeriyən zenit-raket kompleksi yerləşdirib.

Bu barədə Litvanın müdafiə naziri Arvidas Anusauskas ölkənin LRT milli radiosuna açıqlamasında deyib.

Nazir bunu dəyişən təhlükəsizlik vəziyyətinə reaksiya olaraq edildiyini vurğulayıb.

“Ozelot” zenit-raket kompleksi NATO-nun ön kəşfiyyat taborunun Yonava bölgəsindəki Rukla hərbi şəhərciyində yerləşdirilib.

Qeyd edək ki, sözügedən alman hava hücumundan müdafiə sistemi hədəfi aşkarlamaq və təyin etmək üçün buraxılış-qurğular və radar avadanlıqlarından ibarətdir.

Sistemin hədəf aşkarlama məsafəsi 20 km-dir və “Stinger” yer-hava raketləri ilə təchiz edilib.